ياصغير السن روفي شوي في حالي
تعبتـنـي فــي طريـقـك دايــم أسـجـه
اروح مشتاقلـك وارجـع علـى الخالـي
أجمع أشتات شوقي (بطرقت الدجه)
وان قـلـت مـانـي براجـعـلـك تهـيـالـي
طيـفـن يـهـز الخـفـوق ودايــم يـخـجـه
شلـون أبسنـاك والذكـره علـى بـالـي
لــيـــا تـذكـرتـهــا روحـــــت بـالـعــجــه
واسـج نفـس الطريـق وفيـه مـا بالـي
واعــود مـنـه حـزيـن ودمـعــي أزجـــه
نسيتنـي كيـف تنسـى رقــم جـوالـي
لـو أتحجـج انـا مــا أقـبـل لــك الحـجـه
شريتنـي بالـهـوى وتـقـول انــا غـالـي
تـقــول حـبــي بقـلـبـك عـالـيـا بـرجــه
ولعتنـي بــك وجيـتـك دالـهـن سـالـي
وروحــت عـنـي وزت بعقـلـي الـرجــه
أتـذكــرك بـيــن طــاروقــي ومــوالــي
واسج مع صحيت الصفين فـي سجـه
وان جيت اغني لهـم اشوفـك أقبالـي
واسمعك لـو حولـي العالـم لهـم لجـه
ارهقـتـي بالسـهـر يــا متلـفـن حـالـي
يا متـلـف الــروح نــج اصويحـبـك نـجــه
مـحــدن يعـوضـنـي الاول ولا الـتـالـي
الا أنـت يالـي مدججنـي علـى الدجـه
.
.
.
بصوت خالد المطيري
ليست هناك تعليقات:
إرسال تعليق